श्रावण ३१/काठमाडौँ
नेपाल कम्युनिष्ट पार्टीका महासचिव विप्लव सीले प्रधानमन्त्री केपी शर्मा ओलीको झाँको झारेका छन्। पार्टी प्रवक्ता समेत रहेका प्रकाण्ड सीलाई साथमा लिएर बिहीबार प्रधानमन्त्री ओली भेट्न बालुवाटार पुगेका विप्लवले प्रधानमन्त्रीलाई चार वर्ष पुग्न लाग्दा पनि सरकारसँग गरेका सहमति कार्यान्वयन नहुनु दुःखद रहेको भन्दै ध्यानाकर्षण गराएका थिए। केपी ओली नेतृत्वको सरकार रहेका बेला २०७७ फागुन २१ गते भएको तीन बुँदे सहमति कार्यान्वयन हुनु त परको कुरा सरकार अनेक बहानामा नेकपा नेता कार्यकर्तालाई मुद्धा लगाइरहेको भन्दै विप्लवले आक्रोश व्यक्त गरेका थिए।
तीन बुँदे सहमति कार्यान्वयन,बृहत कम्युनिष्ट एकता,मिटरब्याज र लघुवित्तको ज्यादती नियन्त्रण, एमसीसीका नाममा अमेरिकी हस्तक्षेप लगायतका विषयमा समेत छलफल भएको जनाइएको छ। सरकारले शुशाशन र समृद्धिका लागि काम गरिरहेको उल्लेख गर्दै नेकपासँगको सहमति कार्यान्वयन गर्ने प्रतिवद्धता प्रधानमन्त्रीले व्यक्त गरेका थिए ।