पञ्चकोशी संवाददाता सुर्खेत। गुणस्तरीय शिक्षाको अभियानलाई अघि बढाउँदै गोल्डेन-गेट एजुकेसन प्रा.लि., बीरेन्द्रनगर, सुर्खेतले लोकसेवा तयारी कक्षाका विद्यार्थीहरूलाई लक्षित गर्दै खुला लिखित प्रतियोगिता आयोजना गर्ने भएको छ।
प्रतियोगिता असार २२ गते, आइतबार, बिहान ११:०० बजे संस्थाको कार्यालय भवनको तेस्रो तलामा सम्पन्न हुने जानकारी दिइएको छ। प्रतियोगितामा भाग लिन ईच्छुक विद्यार्थीहरूले असार २१ गते बेलुका ५:०० बजेभित्र आफ्नो नाम दर्ता गराउनु पर्नेछ।
पुरस्कार विवरण:
प्रतियोगितामा उत्कृष्ट प्रदर्शन गर्ने विद्यार्थीहरूलाई प्रमाणपत्रसहित नगद पुरस्कार प्रदान गरिनेछ।
प्रथम पुरस्कार: नगद ५००० रुपैयाँ र ५०% छात्रवृत्तिको छुट
द्वितीय पुरस्कार: नगद ३००० रुपैयाँ र ४०% छात्रवृत्तिको छुट
तृतीय पुरस्कार: नगद २००० रुपैयाँ र ३०% छात्रवृत्तिको छुट
कार्यक्रम गोल्डेन-गेट एजुकेसन प्रा.लि. को आयोजनामा हुन लागेको सोही संस्थाका सञ्चालक नमराज शाहीले जानकारी दिनुभएको छ।
संस्थाले इच्छुक सम्पूर्ण लोकसेवा तयारी गरिरहेका विद्यार्थीहरूलाई सक्रिय सहभागिताको लागि आह्वान गरेको छ।