विप्लव नेतृत्वको नेपाल कम्युनिष्ट पार्टी सुदूरपश्चिम प्रदेश समितिको आयोजनामा धनगढीमा बौद्धिक अन्तरक्रिया हुने भएको छ। विज्ञानको विकास, विचार र क्षेत्रीय समस्या शिर्षकमा नेकपाले भाद्र १८ गते बौद्धिक अन्तरक्रियाको आयोजना गरेको हो।विचारका क्षेत्रमा नेपाल कम्युनिष्ट पार्टीले गरेको संश्लेषण, विज्ञान प्रविधिमा भएको अभूतपूर्व विकास र सुदूरपश्चिम क्षेत्रले भोग्नुपरेको विभेद र उत्पीडनका विषयमा सुदुरपश्चिम प्रदेशका राजनीतिक दलका नेता र बुद्धिजीवीहरूका बिचमा अन्तरक्रिया गर्न लागिएको नेकपा सुदूरपश्चिम प्रदेश इन्चार्ज भरत सीले जानकारी दिए।

कैलाली बहुमुखी क्याम्पसको सेमिनार हलमा भाद्र १८ गते हुने अन्तरक्रियामा विज्ञान, विचारको विकास र क्षेत्रीय समस्याका विषयमा कार्यपत्र समेत प्रस्तुत गरिने जनाइएको छ।