पञ्चकोशी संवाददाता २०८२ बैशाख १७ काठमाडौं । सर्वोच्च अदालतले नागरिक उन्मुक्ति पार्टीका संरक्षक रेशम चौधरीलाई तत्काल थुनामुक्त गर्न आदेश दिएको छ । अदालतले यसअघि जारी गरिएको पत्र कानुनसम्मत नभएको भन्दै कार्यान्वयन नगर्न निर्देशन दिएको छ ।

न्यायाधीश सह–रजिस्ट्रार अनुप कुँइकेलले हस्ताक्षर गरेको पत्रमा डिल्लीबजार कारागारलाई रेशम चौधरीलाई तत्काल रिहा गर्न अनुरोध गरिएको छ । पत्रमा उल्लेख भएअनुसार, २०७९ सालको मुद्दामा च.नं. ११२७७ मिति २०८१\०१\१७ मा जारी पत्र सर्वोच्चको अधिकृत आदेश नभएको स्पष्ट गर्दै त्यसको वैधता अस्वीकार गरिएको छ ।